Se lè Ayisyen wè li kwè. E malerezman mantalite Sen Toma sa anpeche Ayiti devlope. Tout sa k posib nan lòt peyi, parèt enposib an Ayiti. Se sa k fè n pa fè pyès efò pou n ranje lakay. Jodi a M vle fè n konnen, KWAYANS nou ap sove Ayiti.
Peyi nou vle a, fòk nou kwè nan li. Se KWAYANS nou k ap ba nou fòs pou n aksyalize enposiblite yo. Lè nou kwè, n ap wè Ayiti demen an nan chak grenn timoun ak jèn yo. Lè nou kwè, n ap dekouvri fòs ki nan nou an. Nan yon sans, Ayiti nou vle a, se lè nou kwè n ap wè l. #KwèPouKaWè